KHRISTIAN NUPA HINKHUO NUOM

Image via Wikipedia

- Rev. Hangpi Manlun, Simveng

1. PULAAHNA

hangpi_manlun.jpgAwle, i thupi Khristian Nupa hinkhuo igen masangin Khristiante Kitenna thu igen masa ding uhi. Thupil khatin, “Kitenna bulpat dih khu Vangam cheplawhna ahi a, ahin abulpat dihlou khu gotmun cheplawhna ahi achi hi.” Pasianin zong kitenna khu na ngaikhoh in Eden huon ah Adam leh Evite na gawmin, Jesu ngei in zong Kana khuo kitenna ava uapin tui uain asuohsah hi (Gen 2 & John 2). Tualeh kitenna khu pualam leh tahsa kideina jieh mai a hing um ahisih a sunglam thuh tah apat hing kipan ahi zaw hi.

Rev. R. Vonstra in “ Christian Marriage” chi laibu agelna ah, “Kitenna in a etsah ahileh Pa, Tapa leh Hagau Siangthoute Kipumkhatna (Triune God) khu Nupa hina in a etsah ahi” achi hi. Tualeh Paul in zong kitenna umzie khu “thugil thuhtah’ achi hi ( Eph. 5:32).

Tuajiehin kitenna khu Mihing laha Pasian Thuhun masapen ahi hi. Tualeh kitenna ah khun pasal leh numei khu ‘Tahsa pumkhat’ ihita uhi. Tuajiehin Kitenna in atup leh angimte igen ding uhi. Tuate:

(i) Pasal leh numei (zi/pasal) khu a dam khawm sung teng uh pumkhat ding a kisiemna ahi.
(ii) Mihingte umdingdan a Pasian lemguat sepkhiehna ahi.
(iii) Pasian gam kehletna ding a Khristian innkuon tunding ding chite ahi.
Tualeh Khristiante kitenna khu kizopna kuitung, damsung dai ding a Pasiam lemguat ahi. Ahin tulai ei Khristiante lah ah awlsam tah a kikhenna angumtah mai khu silpawi leh dahuai tah ahi. Tuabanah tulai mi tampiten nupa kal a hamsatna bang ahiai khat atuoh chiangua asuhdamna dinga kikhenna leh kitennonlou ding ichi uh khu Pasian deilou khat ahi.

2. ZI LEH PASAL KIZOPNA

Mihingte kipawlna hinkhuo sui mite mudanin, tunung chieng in mite hinkhuo sulamdang ding khu, mihingte kizopna leh kitanauna daisawtlou ding thu ahi. Kitenna damsung dai ding nei ut lou mi hing tom hiai hiai ding leh, tun zong tuabang lungsim leh ngaituona lienpitah a kithezah hi’n amauhte’n agen uhi. Etsahna dingin nautangte dihna toh kisai lam a semtu khatin tambangin agen a, “Tukuma Pasal nei khawh ka sa sih, hinanleh, tuban kum khat zou ah bang ngaidan neiding ka hiai chi vang ka gen khawl thei sih hi” achi hi.

Tam thugen in kei zaw ang patau sahsih a, ajieh khu innkuon hinkhuo kisietna in patauhuai tham in ma asawn chi chieng tahin ka muthei jiehin. Hinanleh, hing patau sah mama khat khu, tambang khotang hinkhuo juau tatna, kithununlouna leh mottatna nasatahin a pung ding chi ka thei jieh in achi hi.

Tamkhu adih mama a, tulai gam khangtou adiehin US leh adangte buaipi khu innsung sietna leh nu-le-pa kikhennate ahi. Tualeh America gamte khu Innsung kehsietna pen gama kigen ahita hi. Kum 1960 ah khun nupa kawp za lah ah 25 (25%) sang a tamzawte khu a kikhen uhi. Kum 1975 ah za lah ah 48 (48%) akiken kia uhi. Tualeh “US pumpi ah Nupa kikhen tunai in, 72% ahia a, Oklahoma State ah 82% ahia; akikhensa 70%te akiteng kia ua, tuate lahah zong 60% akikhen kia leuleu uhi akichi hi. Tam Nu-le-Pa kikhenna khun hattuom, gamsung buaina leh hamsatna atut law ahi. Tambang dinmun zau huai tah khu eite lahah zong hingtung thei zing ahijiehin pilvangtahin Pasian thu a kinga in thumna toh i pang zing ding uhi.

3. KHRISTIAN NUPA KICHIMATNA HOI

Awle, khovel a nupa zousien i kichimatnate uh masua siengta lei, bangzata in abuai huai diai? Tami apatin apawi maw dan I mu ngal hi. Tualeh nupa hinkhuo nuom khu hau jieh, pil jieh leh zawn jieh a um ding ahisih a, mi thum Pasian leh nu paten lung kituoh tah a I sepkhawm chiengua hing um thei giap ding ahi hi. Tualeh kitenna khun silthum ahuop a, tuate peisan, tudet, leh pumkhat chite ahi. Nu-le-pa kal a peison dingte ipeisan chieng in, tuhdet dingte i tudet thei ua, tuachin kipumkhatna i hingnei thei giap uhi.

Tualeh i Bible ah Orpa in api Naomi khu atawp a lungsiet tah bangin a kilang a, api khu akhuo lam uah apeisanta hi. Ruth in ahileh api khu a “tudet zinga” ahoilouna laite, achi anamte leh a Pasian tanpha apawmdet sah hi. (Ruth 1:14-17). Tam thu khun nupa hinkhuo chini umdan agen lang hi. Akhatna pen khun kiten chillaia a kilungsiet a, asot deudeu chienga lungsietna dai a kikhente genna ahi hi. Anina pen khu Ruth gen bang “na shina na ah ka shi ding” chia nupa hinkhuo manna ahi. America gama nupa kawp 2000 te tanchin asuina uah, numei za lah 70% leh pasal za lah 60% valte khun, kitenna khu abul apat kia ding hileh, tua a zi/pasal toh a kiteng nuom lou thu uh agen uhi akichi hi. Thamlou in, a tamzawte khu zi/pasal zong nei ngap nonlou ahithu uh agen uhi. Eite zong kidong ding helei bangchin I dong diai? Na zi/pasal in ama matoh ka kiten kha vangpha ing ang chi na diai?

Rev. Dr. Kenneth Chafin, “Insunga sil hingtung zousie, asia-le-aphate khu nupa kichimatna in apiensah ahi. Zi leh pasal ang kiten chiengun innsung ang umta hi… Nupa kichimatna ahoi a adet leh kitenna khu suongpi tunga inn kilam bang ahi a, damsung hinkhuo ah guapi leh huipi lang nanleh jong ading det zou ding a, asung atengte kul le pawimaw umna ding mun det ahi. Ahin nupa kichimatna hoilou ah khun kipahna leh hinna leh silbawltheina aumthei sih” achi hi. Tualeh “insung a nupa kichimatna khun khawvel ah khun bangchi bang mihing hing teng ding e chi agen ngal hi. Ajieh pen innsung khu khawvel mite umkhawmna pawl (institution) loupi pen, leh pawimaw pen ahi jieh in.

Tamte apatin nupa hinkhuo kichimatna hoi khun nupa hinkhuo, ta-le-naute, innsung, hattuom leh khawtang masawnna tuntu ahi dan i muthei hi.

4. KHRISTIAN NUPA KICHIMATNA HOI KHU KIPUMKHATNA AHI

“Pasal in,a nu-le-pa a peisandinga, azi atudet dinga, tuachiin tahsa pumkhat ahita ding uhi” chi khun Khristian nupa kichimatna hoi nei ding thu agen chieng mama hi. Tamthu suhlatna dingin Hattuom khenkhat in kitenna ceremony ah kipumkhatna mombati (Unity candle) atang leng uhi. Mombati thum atangua, a kiteng dingten ageita gel a la ua, tuachiin atoite gelgel uh toh alai apen atang uhi. Angkuon chiengin atoite gel a mit uhi. Tamkhun nite pumkhat ahita uh chi asulang hi.

Tua leh nupa kichimatna khu :-

a. Kipumkhatna Thuhtah Ahi: 'Anu apa apeisanding' chi hinanleh zong nu leh pa leh midang mawngmawng toh kizop nonlou ding china ahi dieh sih hi. Aumzie khu nupa ihinua ua mi dangte sanga I nupa hina uh thuhtaha kichimatna nei ding china ahi.

b. Kipumkhatna Kepbit Ding Ahi: Mimal bukim lou khu subukim dinga kiteng ihi uhi. Tuajiehin I zi/pasal khu igintat sang a ang hoizawh loutah lehzong itna toh siemhoi sawmding ahi. Ka gintat bang na bang mawngmawng sih chia kiphun sanleh mi kung a kigensiat louding ahi. Tuasanga achinglou pen khu kiliakhu a theitop a kipanpituo ding ahi.

c. Kipumkhatna Huopzou Ahi: ‘A zi atudet ding chi khun apasal zong atudet ding’ china thou ahi. Mi khat hinkhuo asil umzousie, adieh in i kiten ma sang un mi tuom leh pienna le menna tuom tuoh ihijieh un i kibang sih uhi. Ahin, i tuomna tuohte uh kitenna in ang gawm khawmta hi. Dr. Mascarnhas in “Michin i tuom chiet na in nupa kichimatna asuhsiet ding ahisih a, i danglamnate uh isuhtuo khawm siemlou jiehun isia zaw uh” achi hi. Nupa kipumkhatna sil tuomtuomte kizawp khawmna ahijiehin ahuop zou hi.

d.Kipatat Tuo Diing Ahi: Pasianin zong mihingte ama patoi dingin ang siem hi. Tuajiehin nupa zong ahithei tan a kipatat tua zel zel ding ahi. Tulai nupa tam tahte khu kipatattua sangin kisoisel leh kidehtuo ichingua, tuakhun nupa hinkhuo asusie hi. Mi khu ahoilounate gen sangin ahoinate gensah lei kipahzaw uhi.

I zi/pasalte khu ahoilou na laite uh dem leh soisel mailou in, phatna leh patatna toh siem hoi dingin pan ila zawding uhi. Nupi khat zong a pasal shi luong tungah apa uh hoina ngen tang agen a, aza zousie khun “aw, na pasal tua ashinua na phat sangin, adamlai in na phatna aw tengkhat beh zaleh kipah ma ding hiven” achi san uhi. Tambangin eite zong shi zou chienga kiphat leh patat mailouin idamsung un i kilungsiet uni kiphat ding uhi.

Nidanglai in, The Sword of the Lord (USA) Newspaper in Nupa kum 80 val kiteng sa khatte khu Hospital ah damlouna anei uai chiin akiensah uhi. Doctorte’n a damlouna uh amu zousih ua, tuachiin Doctor pan thu khat adong a, “Kum bangzat na kitengta uai?” chiin a dong hi. Amauhten kum sawmgiet (80) val ka kitengta uh achi uhi.

Ahileh bangchi dan a tambang a damthei na hi uai? chiin adong kia hi. Tambangin a dong ua, “Kou gelin ka kiten ni ua patin dan (rule/regulation) khat ka nei ua, tuakhu ahileh damsung a kihau mawngmawn louding leh kilungthah sanlou ding chi dan ka nei ua, tutanin zong ka zui uh” achi uhi. Ahin, lungthahna aneikhah chiengun alungdam penpen khu thuohzoutah a um a sipding, tuabanah a kul-le-pawimaw dungzuia pawt khiah ahiai, tuazou chiengin kipahtah alut kia a kihoulim ding chite ahi a, tamte khu kou nupa damtheina leh kipahna thuguh uh ahi chiin ahilta uhi. Tamte nupa bang eite zong kipah leh damsot i ut leh nupa chinte’n pan i lah ding uh ahi.
e. Kihou Limna (Communicating): Nupa khu silbangkimah kihoulim leh kithuzahtuo zing ding ahi. Tulai nupa tamtahte khu azi/pasalte uh hindan leh gamtatdan akitheipha sih ua, tuakhun nupa kala kitheisiemlouna apieng sah hi.

Tualeh i zi/pasal kunga zong itna thute gen zelzel a kipatattuo zing ding ahi. Billy Graham in, a zi toh akiten champha uh alopna a athugen khu “Ka zi toh kum sawmnga (50) vel ka kitengta ua, nungah tangval ka hilai ua, Pastor maia damsung adia ka kichiam ni ua ka lungsietna sangin, ka zi ka lungsiet zaw” achi hi. Aman agen bena ah ka zi ka lungsiet lou khah chiengin Pasian kungah panpina ka ngen zel zel a, ka zi in zong tuabangin abawl hi achi hi.

Tualeh izi/pasalte zong amin uh ahilou aleh tapa tahpen min beha kihatzelsam ding ahi. Tualeh achang chienga i zi/pasal kunga bangchi bangin umleng na ut ei? chite zong doha kisiemphat zel zel ding ahi.

f. Alai Ah Jesu Khrist: Nupa kichimatna hoileh nupa hinkhuo nuom nei dingin Jesu Khrist khu alai a aum zing ding ahi. Agei ningtong a ium sah khah chiengin, nupa hinkhuo ah buaina leh kituohlouna aumngal hi. Pasal khatin a zi laithot ahah a, lawm it, ka lungsiet pen anina nahi chiin apan hi. Inn angtun tahin a ziin, “Kei sanga it zawh nei na hileh kei pawt vang achi chiengin, a pasal in hilou e, Ka lungsiet pen khu khatna a Jesu ahi a, nang khu anina na hi” achita hi. Tuachiin ang kihoulim theita uhi. Tulai mi pawl khat in mahni zi/pasalte sanga midang zi/pasal pou va it zawh khah chiengin buaina i tuohlaw leng uhi.

John 2 na ah Kana khuo a kitengte tanchin imu bangin, moulopna ah Jesu achial jieh un alengga zu uh abei chiengin Jesun sillam dang bawlin amualphouna dingte uh asuhbeisah hi. Tamte nupa bangin eiten zong I nupa hinkhuo uah Jesu chiel zingin pangsahlei nupa kituoh leh lawching ihi ding uhi.

5. LEITUNG A NUPA LAWCHINGTE THUGEN LEH HINATE ISUI DING UHI

a. Richard leh Doris Halversonte nupa khu kum 40 nupa hinkhuo lawchingtah a na mangzouten alawchinna thuguh tambangin agen uhi. “Doris leh Keiman ka kitenni ua ka kichiamna uh suhsiet guallou, gensiem a zong suhdanglam theilou ahidan ka pawm tuoh uhi.. Khrist leh ama nasemtu ka hijiehun ka kikhen dinguh pen sil hithei mongmong louin ka ngai uh” achi uhi.

Tuajiehin, hamsatna hun ah zong lawching sah dia panlah hamham ding ahi, chiin theitop asuoh uhi.

b. Augsbergerte nupa kum 54 nupa hinkhuo a zah nua un “ka nupa hina uh lawchingsah teitei katup uh ahi” a chi hi.

c. Don le azi Martha ten zong maitam a kichiamna uh theizing a pomdet khu alawchinna uh thuguh uh hin agen uhi. Amauhten tahsa leh hagau a nupa khu kituohtah a peikhawm dingthu ahage ma ma uhi. Tualeh Sawltah Paul in nupa satan kipiehtuoh dingthu ahagen thu apawmdet hi.

d. Charles leh Martha Sheddte nupa in alawchin thuguh uh tamtengin agen uhi.

- Hun kipiehtuo dingin kichiamna ka nei zelzel uhi.
- Nitengin sil neuneu ah zong ka kipatattuo uhi.
- Ka lungkimlou chiengun kithuhiltuo a, sudam ngal ding ka tum uhi.
- Ka thuhun ua pawimaw pen khu Bible sim khawm leh thum khawm zing ding chi ahi. Tamte jiehin nupa hinkhuo kum 44 sung nuomtahin ka zang khawmthei uhi.

e. John leh Betty Descherte nupa hinkhuo. Kitenna khu kizopna hing zing suhkhang zing angai ahi. Tamna pawimaw pen khu kipiehtuona (commitment) ahi achi uhi. Tualeh mahni masialna khu tawpsana kihongtah a umzing ding ahi achi uhi.

f. David leh Vera Mace te nupa. Amauh nupa khun “kum 50 nupa hinkhuo ka zah nua uah ka kingai deu deu ua, nuamzong kasa deudeu ua, tun zong zil beding ka nei un ka khangzing nalai uhi. Kou a dinga sil hithei khu midang adingin zong ahithei ka gingta uhi” achi uhi.Tamte apat in eaten jong zilding inei ngei ding uhi.

6. SUN LEH PAI ZAH THU AH

Nupa in sum leh pai atuoma neilou ding ahi, tualeh sum leh pai zahna ah zong tahsa kithununna apawimaw hi. Tulai innkuan tampite kehzahna leh buaina khu sum zah apilvan lou na jieh ahi. Pasal khenkhatten asum law khiehte uh a utut ua zahthei hin angai uhi. Tulaleh khen khatten a law pha zate uh leh a pension nangawn uh a zite uh theisahlou uhi. Tuate jiehin nupa kituohlouna leh kikhenna pienglaw thei hi.

India nampa Pu Mahatman Gandhi in “Sum liau lou ding a hindan kisin ding” (Simple Life-style) apibawl ma ma hi. Grik mipil Socrates bazaar apei chiengin a kitahsap leiding a mungaisih a kichi hi. Tuajiehin, ideiteng moh lei louin, i kul-le-pawimawte beh lei kisin ding ahi. Tualeh sum khu alamkhieh sangin, a etkawl ahahsa zaw hi.

Tualeh, “Light of Life” March 1988 a Sara leh Chandra Kumarte nupa in “Asum muna (ngana)uh leh zahna uh” chi agelna uah tambang hi.

-Rs. 500/- na law ahia, 490/- na zahleh akimangthei na hia, Rs. 510/- na zah leh abuai khin nahi.
- nang pen sum sila suoh sinla sum pen sila in nei zaw in.
- Innkuon sunga sum zah ding dan gelna (budget) neilou khu gari brake neilou toh kibang ahi.
- Inkuon sunga inntehpa pen sumkemtu ahiding ahi.
- Sumpen ei neisa hilouin, Pasian nei sa ahi ( Nasepte 10:14).

John Wesely in “Sum leh pai na suithei zatzat sui sawm inla, na khawlthei zatzat khawl inla, Pasian adingin na piehthei zatzat na pia in” achi hi.

Tualeh M. Manoharan in “ Na inkuon sung sumthu” chi “Light of Life” June 1986 ah tambangin agel hi.

- Leiba basin (Rom 13:8)
- Sawm–a–khat pia in (2 Kor. 9:6-8)
- Kiphatsahna toh sum zangin van lei sin.
- Sum hau ding thupipen in nei sin.
- Nitengin na sum muna leh zahna hisap zingin.
- Bank ah sum koi kisin in.
chite leh zah dan kituptah anei ding ahi.

Tulai sum–le-pai awlsam tah a bat theina hinkhuo ah I tengua, tuajiehin innkuon tampiten aditzoulou dinguh tan leiba thangba toh khosa innkuon tampi ki-um hi. Tamte jiehin lawm leh pai, u leh nau kal ah buaina leh kimelmatna apien law hi. Tualeh Khristian nupa khu isum muna leh zahnate uh kitheisah zing ding ahi. Tualeh sum zahna ah kithununna hinkhuo nei zing apawimaw hi. Tamte jiehin innsung leh nupa hinkhuo sietna lah apat isuota thei ding hi.

7. NUPA KIPAWLNA HINKHUO

Laisiangthou in a pasal in abawl dinga kilawm bang azi tungah bawlta hen achi hi. Tuama bangin zi in zong abawl ding a kilawm bawlta hen achi hi. Azieh khu ziin atahsa pumpi tung uah thu neilou apasal a ahi zaw hi achi hi.

Nuleh pa kipawlna thu khu tulai Khristian pichinglouten zumna leh sil gen ngamlou dingiin angai uhi. Ahin, i Bible leh mi thupiten aha gen uhi. Billy Grahamin nu-le-pa umkhawmna pen Khristian nupaten a nuomthei bang pen a a zah ding ahi dan leh tuabang a kizahna in ki-itna leh kilungsietna akhansah dan aha gen hi. Tualeh Pu K. Saibela in “Nupa kipawlna khu kilungsiet tuohna jieha tahsa bawlthei sang pen chi lei ichi khiel sih ding a chi hi. Tuabang hilouin, tahsa utna leh huana ding bep a ingaileh pen i ngaikhiel ding uhi. Tuajiehin, tam khu lawchingtah a zah ahitheina dingin, ta leh nau tampi nei nua leh tehnua a zong pilvang taha bawl zing ding ahi” achi hi. Aman agen bena ah nulehpa kipawlna neina ding a kisah kholna neiding dan agente:

a. Hun awng thawl neiding
b. Mun dai leh sip ahiding
c. Koima suhbuai theilouna mun
d. Zu leh khamthei bawllou ding
e. Kisil siang ding
f. Luppi ding puon zong tuomnei ding
g. Sil dang mong mong ngaituo lou ding chite ahi.

Tualeh B. Balla & Dr. P. Tinunata in Khristian nupate nupa kipawlna toh kisai a theiding agente uh tamte ahi:

a. Nupa kipawlna hoitaha zahsiam na in ki-itna khangsah hi
b. Tam khu kilungsietna jieha ipumpi a i kipieh thei sangpen uh ahi
c. Pasal utna suohbaiin, numeite asuoh ha ahi chiengin pasalin azi atheisiem uh kisam a, tuabangin numeite zong athei siem thou uh ngai hi
d. Pasal theipi lou a numei in utna nei leh zumloua pasal hilngam ding ahi
e. Tahsa thanopna umloupia nupa kipawlna neipen tahsa chi damna dingin hoi sih hi
f. Lungkim tah leh lungkim dong umkhawmna jiehin naungeh leh nu chidam law thei hi
g. Kipawl jou chiengin pasal in a zi nusiat pai louding ahi
h. Kipawlzou chiengin tui leh puon sieng a kisuhsieng zel zel ding ahi
i. Khristian nupate khun nupa umkhawmna pen i tahsa, lungsim leh hagau tanpha phattuampih thei dinga Pasian kunga ap zing ding ahi.

I gensa bangin eilah ah nuleh pa kipawlna thu khu Pulpit leh Pastorate gen ding in ikoisih uhi. Ahin, Biblein “Pasal leh numei in atan din hun toh atantuoh ding thu uh agen hi. Sawltah Paulin, nupa kisawm pemsan dingthu tanpah ‘ani ua alemsahpih uh angai thu’ agen hi. Tulai tam nulehpa a lungkimlou na jiehin lunglenna leh midang tung z zawlsaina tanpah apiengthei hi. Tuakhun natna HIV/AIDS leh adang tampi veilawtheina ahijiehin pilvan angai tahzet hi.

8. NU LEH PA THEI DING THUPAWIMAW KHENKHATTE

A. Pasal Thei Ding Thu Sawm Piehte

i. Na zi khu hoitahin nunnemna toh enkawl zingin
ii. A sep abawl dingte theichien sahin
iii. Pongphoh leh gensiette topsanin
iv. Silneu nou noute pawimawna theisah zingin
v. Nitenga akul leh pawimawte theipi zingin
vi. A hinkhuo a akipah nading ngaituo sah zingin
vii. A lungsim puohdan leh miziete thei zingin
viii. Na kitenna uh bawl hoi ding in panla zingin
ix. Akul leh pawimawte bawlsah zingin

B. Numei Thei Ding Thusawm Piehte

i. Lungsietna umzie dihtah khu zilin
ii. Kitenna gensiet bei nanei sawm khu topsan inla, kitenna bawl dingin theitop suo in panlain
iii. Na pasal mizie leh pawimawte thei inla bawlsah in
iv. Na nu na pa tunga na kingahnate topsanin
v. Thunun leh na thunuaiah koisom sinla patatna leh lungsietna pia in
vi. Sil atuom apai a naneite topsan inla engsietna zong nei sin
vii. Gensietna leh huat bawlna sangin ngainatna toh na pasal kipahpi in
viii. Gensiatna leh thagum toh na pasal hinkhuo na siemphat sawmna khu topsanin
ix. Nanungah lai hinkhuo topsanin
x. Phun hatna leh gitlouna na neite topsan inla dawtheina na nei nadin thum zingin.

10. NU LE PA THEI DINGA PAWL KHATTE

i. Lungthah hun kituohsah lou ding ahi. Ngiam khieh kituh ding.
ii. Lungthahsa kihilou ding lup zong lup louding. Na lungthahna khu nisain tumpi sih hen chi khu nupa kala ataha zah ding.
iii. Hunpeisa leh nungah tangval lai aum dan hoiloute zong gengen nonlou ding ahi
iv. Nualam tuoh tawh kikhual sah ding
v. Khut leh keng zanga kivuoh lou ding
vi. Kitenni ang tunchienga nehkhawmnate bawl a sil neu nou nou ki present tuoa, hing gawmtu pastorte zong ahithei leh hat a thumna leh sil present zelzel ding
vii. Khualzinte kithumsaha ahun lut ding tan zong kihiltuo ding
viii. Tate it tuom mudah tuom neilou ding
ix. Numei in shi (period) neilai a kipawl lou ding
x. Naunei jou in atompena hakhat hani tan kipawlpi louding
xi. Naupai laia pasalin a zi gila ata adia athum sah zel zel ding
xii. Ki itna a dih semsem na ding a kithum sah zing ding ahi. Tam a tunga I gente a tahtah a hinpithei chiet ding in Mangpan hing gualzawlchiet ta hen.

Laibu Et Te:

1. Manlun, Hangpi. Kristian Inkuon Nuam. Churachandpur Manipur Women Christian Association, 2000.
2. Khristina Thalai Pawl Leadership Training Hand Book.
3. Chawngliana, Kenneth. Nupa Hlimna Thuruk. Aizawl: Exodus Press, 1997.
4. Hoinu, S. Numei Septhei Pasian Na. Lamka: Chin Baptist Women Society, 1995.
5. Rosiem, Rev. Chhungkua. Aizawl: Synod Publication Board, 1990.
6. Thangkhangin, V. Insung Nuam Neihdan. Lamka: L & R Printing Press, 2000.

CHAPTER FIVE – BD Thesis | V. AN EVALUATION OF RESPONSIBLE PARENTHOOD AND CONCLUSION

Marriage is an institution ordained by God. It is, however, not purely Christian institution, but also made by people and of this world. It is not simply device for procreation, but a means to mutual fellowship and companionship. It is therefore the most abiding human relationship between man and woman where they are responsible fro each other’s welfare for every aspect of their lives.

Family is the basic unit and foundation of the society. It is dependent on the society. In the family, parents have responsibility to God, to each other, to children and their society.

Therefore, marriage and family in Christian understanding, from the perspective of responsible parenthood cannot be conceived apart from responsibility which we need to understand.

Parenthood is always understood in terms of responsibility. In marriage and family, the parents accept responsibility for each other as they are created complimentary and mutual beings. Through the concept of “one flesh” they have both physical and spiritual obligation to each other. St. Paul, therefore, exhorts the couples for the good of each other (I Cor 7:14; Eph 2:4). Hence, one cannot live according to one’s way. Any plan and decision affecting the family must be the combined work of both husband and wife without any selfish interest. They must responsible for each other because “both parents share equal responsibility for the family….” Therefore, it would be wrong for one to impose his/her view on the other and also for one partner to leave the decision to the other, God-given conscience for choice must be used responsibly.

The sense of parents’ responsibility to God evolves their responsibility to children. This is one of the most important duties of a couple in marriage and family. It must be noted that the very concept of responsible parenthood implies its rich joys and responsibility as parents share in the creative work of God. Thomas, therefore, affirms, “as love flowers into marriage and marriage into family, new incentives arise and wider obligations are assumed.” Marriage and family are therefore, both a privilege and responsibility.

Parents should realize their wide obligations and take account of their best ability to love, care and bring them up in the best possible way. They must try to prepare them to become responsible citizen in the society in their later life. Children have the full right to “parental care in infancy and youth and to proper equipment form society to serve God fully in it themselves.”

Besides, their physical needs, parents are also responsible for the spiritual upbringing of the children. They need religious training, instruction, teaching and discipline.

To conclude, in the light of our previous discussions, we have come to conclusion that responsible parenthood has to be closely associated with marriage and family which divinely ordained by God from the very beginning of creation. We also have seen the responsibility of parents toward their children.

In all our studies and examination of the concept, it has been clearly found that Christian marriage and family can not be understood apart from responsibility. In a family, parents are responsibility for their children for their total needs from infancy, till they become mature responsible person.

But today among the Zou parents one of the most serious problems which endanger is that parents thin that once a child admitted in the school, they have no responsibility for children except for supplying their physical needs. Parents often say we feed and clothe them and you teach them. This is a great mistake/misunderstanding on the part of parents. Children need the instruction and exemplary life of parents at home is a foundation for personality development.

Children may form the habits of prayer from the fact that parents engage in prayer at all times, in times of sickness, health, rejoicing and grief. The values and standard that child learn to make their own originate in the home. For example, honesty, hospitality, act of politeness, obedience, dignity of labor begins at home. Parents should assign certain pieces of work to every child. Children who have learned to work in the home will never suffer. It is in the home that the child first learns involvement in relationship. To be able to live a useful life in the society, the child has to learn how to maintain relationship with outside of home.

The Christians in today’s world have failed to show good Christian examples and have their zeal to serve the Lord. Many parents have neglected Christian education in their home, church, schools, and communities and so on. This is the reason why the rate of social evil is high in today’s society. In such a situation, every parents should plan their work properly, so that the child is gradually led into fuller knowledge of Christ. In this regard, the teaching and biblical truth is very important in order to help children grow in faith and in the relationship with God and fellow friends.

The other aspect in marriage and family is the responsibility of parents to society. The family is a basic unit of society upon the family. The harmony of the society depends upon responsible parents who produce useful children for their society. Parents are answerable to him in all that they do and plan for the family. Thus, we can affirm the fact that the concept of responsible parenthood means responsibility of parents to children by considering the rights of the child to love, care both physically and spiritually, psychologically and mentally to educate and to a full human existence.

If parents neglect their children by not teaching these values then the whole community and society suffers because of family is a barometer indicating not only what is going on in the world now, but what will be tomorrow and future generation. Therefore, when the home breaks, the community, society and the nation is on the skids. The contemporary social problems are due to the failure of the home. It is sad thing that many parents do not have a candid picture of home or family. They fail to create the right environment of a parent-child relationship. In many homes there is total lack of proper reasoning and guidance and instead resort to scolding and beating for a slight mischievous behavior. Moreover, with the development of culture and modern technique or modernization in every sphere of life, work, entertainment and recreation are provided outside homes and draw the attraction of many outside the realm of homes. Hence the home easily becomes a ‘feeding station by day and a dormitory by night.’ It is also a mistake to think and depend mainly upon school, church or Sunday School as the only place for the children to learn Christian virtues and concepts. But these are only secondary training centers. The home stands in the first place with parents as teachers.

Thus, the home is the first institution because every human being comes out from a home. The home is where God is the head and where the parents teach and guide the members according to God’s will and have faith in God and trust each others in the home which God wants. But in a home where the parents depend upon their riches and knowledge, their children will become depressed, frustrated, such home atmosphere becomes heavy, uncared, and neglected. This situation will result a situation where the Christian children become preys of drugs and immoral activities. Thus, the Christian home should be a home standing firm on the rock and not on the sand.

---------------------------------------------

End Notes

Ellen G. White., Happiness Homemade (Nashville: Southern Publishing Association, 1971), p. 27
A.M.J. Kloosterman., Family Planning and Christian Marriage (London: Wm Collin & Sons Co. Ltd., 1970)
John, A. Saliqu M., Family in the Purpose of God., op. cit. , p. 13
Fagly, Richard M., The Population Explosion and Christian Responsibility (New Your: Oxford University Press, 1960), p.231.

--------------------------------------------------

BIBLIOGRAPHY

Adam, Jay E. Solving Marriage Problems. Michigan: Zondervan Publishing House, 1983.
Amer, Jonatsungba. Biblical Principles of Christian Education Applied to Christian School in Nagaland. Jorhat: Assam Printing Works, Pvt. Ltd., 1993.
Arnold, Eberhard. Love and Marriage in the Spirit. New York: The Plough Publishing House, 1984.
Barnette, Henlu H. Introduction to Christian Ethics. Nashville: Broadman Press, n. y.
Bhushan Vidya. An Introduction to Sociology. Allahabad: Kitab Mahal, 1984.
Christenson, Larry. The Christian Family. Minneapolis: Bethany Fellowship, 1970
Getz, Gene A. The Measure of Family. California: G/L Publishers, 1967.
Goldman, Ronald. Readiness for Religious Education. London: Routledge and Kegan Paul, n. y.
Hoefer, Herbert E. Teachers as Parent. Madras: CLS, 1976.
Klosterman, A.M.J. Family Planning and Christian Marriage. London: Wm. Collins Sons Co. Ltd. 1970.
Lahaye, Tim. The Spirit Controlled Family Living. New Jersey: Power Books, 1978.
Lianngengi, P. Lalpa Hmangaih Kristian Chhungkua (Godly Christian Family). Aizawl: Rev. & Mrs. Siamliana, 1990.
Lydia and Lovise Paw (Eds.). Family Concerns and Church Programs (South East Asian Christian Family Series, 1982). Philippines: Baptist Council on World Mission, 1992.
Paulus, Vimala. Introducing Christian Education. Bombay: CLS, 1993.
Rai, B.C. Educational Psychology. Lucknow: Prakashan Kendra, 1992.
Ralte, Lalramzaua. Kristian Chhungkua (Christian Family). Aizawl: Synod Publication Board, 1989.
Rice, John R. Home. Madras: ELS, 1994.
Richard Fagley, M., The Population Explosion and Christian Responsibility. New York: Oxford University Press, 1960.
Sadeq, John W., Family in the Purpose of God: A Miscellany of Essays Relating to Planned Parenthood in India Settings. Nagpur: The National Christian Council and Christian Medical Association of India, n.y.
Satya, R.N. & Bhatai Bd. Educational Psychology and Guidance. Delhi: Phanpati & Sons,n.y.
Scudder, C. W., The Family in Christian Perspective. Nashville: Broadman Press, 1972.
Stott, John. Issues Facing Christianity Today. Bombay: CLS, 1984.
Thomas, Mary. Family Life: A Christian Perspective. Madras: CLS, 1982
White, Ellen G., Happiness Homemade. Nashville: Southern Publishing Association, 1974.
_____________ . Happiness in Marriage. Poona: Oriental Watchman Publishing House, n. y.

UNPUBLISHED SOURCES

Aye, David. “Psychological Approach to the Youth Problems in Reference to Sumi Youths in Nagaland.” Unpublished B.D. Thesis Submitted to Eastern Theological College, 1996.
Down, Mary Evans. “Creative Foundation Starting a Nursery School” (Unpublished MSS).
Imchen, Tali R. “The Role of Christian Education in Developing Child Personality.” Unpublished B.D. Thesis submitted to Eastern Theological College, 1996.
Lotha, Remphamo E.N. “Christian Attitude Towards the Concept of Responsible Parenthood: An Ethical Evaluation.” Unpublished B.D. Thesis in United Theological College, 1978.
Moarenla, N. “The Disintegration Traditional Ao Family Patterns and Its Impact on Modern Christian Family.” Unpublished B.D. Thesis, Eastern Theological College, 1996.
Samuel, Vinoji. “The New Testament Concept of Family.”Unpublished M.Th Thesis Submitted to Asian Christian Academy, India Evangelical Theological Seminary, Hosur, 1994.
The Asian Churches and Responsible Parenthood. Bangkok: EACC Consultation, 1964.
The Christian Home. Shillong: WESI –NE, Triennial Conference on 6th – 10th January, 1993.
Magazines/Journals/ Newspapers/Periodicals/Pamphlets
Decision. Vol. No. XI “Help for Your Family.” Billy Graham Evangelistic Association, June, 1994.
New Woman. Vol. 19, No. 6, “Parenting Guidance for Child Rearing.” Shillong, Spring June, 1996.
The Eastern Clarion, Jorhat, March, 27, 1996.

---------------------------------------------

Introduction | Chapter 01 | Chapter 02 | Chapter 03 | Chapter 04 | Chapter 05

---------------------------------------------