Rev. Hangpi Manlun
hangpi_manlun.jpgAwle simtu zousie tam I thupi uh hoitah a theichien ding in Pasian Hagau in hing-umpita hen. Gawtmun thu khu I Laisiengthou in a ha gen mama a, tuleh Pasian thu I awi (Kristian) ihina jieh uh zong khu I shi zou chieng a Gawtmun meidil a I lutlou ding uh I utna jieh uh chilei I chi khielsih ding hi. I Laisiengthou in gawtmun um tahtah dan a gen a, a dieh in Thuhun Tha ah 162 vei a tuong a, tamte lah a 70 sang a tamzawte khu Khantanhoite (Gospel) sung ah a tuong a, atamzaw khu i Mangpa Jesu gen ahi tangpi hi.
I. Gawtmun kigenna ham-kamte I sui masa diing uhi:
a) SHEOL: Seol chi khu Hebrai ham apat a lekheih ahia, a umzie khu ‘Mun MIel’ amaw, ‘Mun guoh’ chinate ahi. Tam khu Mangkam in ‘Hell’ a kichi hi. Tam khu Thuhun Lui ah sawmthum leh khat(31) vei a tuong hi.
b) HADES: Tam zong atung a toh kibang sim ahia, a Greek ham in, ‘Mishi khuo’ china ahi.
c) TARTOROS: Tam khu Angel gilou leh helte vaihawmna ngah a tou/umna mun ahi (II Peter 2:4).
d) GEHENNA: Khopi sung nin paina mun, mitlou a kuong zing, migiloute tan ding mei mit ngailou mun china ahi (II Khang. 33:6; Mt. 10:28). Tam mun pen Jesu’n tam bang in a gen hi.
i) Migiloute hagau leh tahsa kigawm a pailutna mun ding ahi (Mt. 10:28; Lk. 12:5) a chi hi.
ii) Vaihawmna leh siemlou tanna mun ahi (Mt. 23:33).
iii) Mei zong mit-ngailouna mun ahi (Mk. 9:44; Kil. 19:20; 20:14-15).
II. Gawtmun hei a um ding a diei:
Laisiengthou in gawtmun hina a gente I gen zouta uhi. Ahileh gawtmun hei a um a diei? Chi khu mite thei ut mama khat ahi. Rozer Scarle, University of Durham a Professor in a gen dan in, a ma uh pawl in gawtmun meidil a um theina ding mun a mukhieh dan uh tam bang in a gen hi.
Leitung (Earth) lailung (core) khu a satna 6000oC vel a sa ahijieh in, nidang a ka gintat meidil umna pen khu leitung lailung ahi ding chi khu a dih theisih ding achihi. Leitung a, a um theina ding mun umsun khu, tuisuogiet tawdop a tuisa pawtna khu, satna 450oC a, a satna mun ahi ding achi hi. Tualeh, Van gam (Heaven) umna ding mun, a gendan in, “Huihkhuo (atmosphere) a Thermosphere kichina mun khat a um a, tua mun hi diing in a gingta” hi. Tamte khu a dih tahtah hi I chi theisih ua, ahin gingloumite’n zong van gam leh gawtmun tungtang a na buoipi uh zong a lungdamhuoi veve hi.
Tualeh, Russia Scientistte’n Siberia gam a, a nasepna ah mun khat Miel kuo (9) a thuh in a lai/tawna uah Isai 5:5 a kigen Meilipi (Hell) a mukhieh thu uh a gen uhi. A satdan 2000oF (Degree Fahrenheit) ahi achi uhi. Tamna a Doctor pa uh Dr. Victor Azza khun a genna ah ‘tam mun a taw khah uh a huoise/gimnei mama a, a awzah uh khu a na e! a na e! chia kap-le-mau thawm kikou zengzung husa ka za uh’ achi hi. Tamna a sil mukhieh lamdangtah a jah uh a gingta ua, Scientists tam tah in a nasepte uh tawpsan in a pientha law ua, Pasian na a seplaw uh a kichi hi. Tamna ka-le-mau thawm huoisietah a zah ukhu Laisiengthou a kigen gawtmun (Hell) hi diing in a gingta uhi. Thuhun Lui leh Thuhun Tha gendante toh I ettuoh leh zong a kibang hi chiin Laisiengthou siemte’n zong apompi uhi. Ajiehpen gawtmun khu leinuoi a um ahi a, Van gam pen tunglam a um ahijiehin chi’n zong a gen uhi. Tualeh, Russiate khu, Pasian a umsih, gawtmun zong a umsih chia doudal gam khat ahi jieh un, tambang a ang umdoh khu Pasian a um tahtah na chi a suhlat utna jieh zong ahi ding hi. (The Glorious Hope’-April 1994).
A bangteng hizongleh, Gawtmun umna mun dihtah theisih nanlei zong Laisiengthou leh misiemte (Scientistte) apat in a um ngei hi chih khu niel guol ahisih hi.
III. Gawtmun sat dingdan:
Ahileh Gawtmun bangchi bang a sa ding adiei? Chi zong mi zousie thei ut mama khat ahi. Tualeh satna degree 100oC vel lah khun tui a sousah vungvung thei hi. I tung ua nisa (sun) satdan khu degree 6,000oC vel hi ding a gintat ahi. Tambang a sa ahi jiehin nisa kim a um zousie a tui mang zelzel hi.
Gawtmun khu satna temperature 445oC a sa ahi ding chi in Mark Austin in Newspaper khat ah a giel hi. Tam sat ding dan khu tui kisuongsou (tuisa tawp) le-thum le akim vela sa ahi ding hi. Tualeh Laisiengthou in gawtmun sat dingdan a gen khu Kihilna 21:8 ah “…Meidawite leh gingta loute… jousie tan ding kaat (brimstone); sulphur huon sou, sat bang a sa ding ahi (Boiling of Sulphur = 716.6K-446 (at normal pressure). Tam khu JORGE MIRA PEREZ University of Santiago Decompostile, Spain gam a Physicists khat in a khuotkheit ahi. Tua banah Perez in a seppi Josevina, Physicists khat ma toh Madrid (Spain) Khopi a Bishop pa khu Laisiengthou tangtel uleh a khuot dan uh a dih nai chin a va dong ua, aman zong a dih hi chin a na pompieh hi.
IV. Gawtmun Bangchi Bang Mun Adiei?
Gawtmun khu kihuotna mun a ahi ding hi. Zudawn leh thanghuoi tampite khu gawtmun zauhuoi dan I genpi chieng un, gawtmun khu a nuom ding hi, ajieh ahilehpen I it-le-ngai teng kimna ding mun ahi jiehin a chi uhi. Jail (thongsung) sung bang diing a nuomlou e? I chi leh migilou chinteng umkhawmna mun ahi jieh in ahi. Tua bangma in, gawtmun pen gitlouna leh suol a pumdim ding ahi jieh leh lungsietna mawngmawng umlou a gawtna mun ding ahi jiehin mun nuomloutah ahi ding hi. Tualeh, gawtmun khu awsia chinteng a kilaw khumna mun leh tanchinpha a gen ding uh zong khu shina tanchinpha ahi jeih in mun nuomlou tawpkhawh ahi diing hi. Meilipi sungkhat or tui kisuongsou sungkhat ah leitung a na itpen toh umkhawm lechin a nuom diei? Tam khu Gawtmun noplou ding dan genna hoihtah khat ahi.
Tualeh, Gawtmun khu shina nasan mu zou nawnlouna ding mun ahi. Tam leitung a, I zau pen uh khu shina leh natna ahi. Ahin, gawtmun ah pen shina nangawn a kimuzou sih ding hi. Tam thu khu Sadhu Sundar Singh laibu gel “Hagau Leitung” (Spiritual World) ah chiengtahin I mu uhi. ‘Angkawm lai khat hagau khu hagau gam a tun masang in, a dangtah mama a, a lei a ha zatzat a, a nah gin thawm khu a ngai mama a, mei satah in a kah bang mai in a bante khu meikuong in a kang vom vetvut hi. A mapa khu lungkhamtah leh mangbangtah in a kipei akipei a, ama-le-ama na ngawn a kikidah a enzong a ki-engam va-ia sih hi. Ka hagau khu hamsie dong in umta hen, tam a na suhdamna dingin shina a umthei nawn sih a, ka hagau lah a shi thei sih a, shi thei hileh leitung a ka shi bang in ka Pistol in ka kikaplum kia ding achi hi. Gawtmun natna khu leitung a natnate le za tamtah a na ding ahi. Tuajieh in, tam mun khu tangtawn a shi thei nonlouna mun ahi hi.
V. Gawtmun khu theigigena mun leh kisiana mun ahi ding hi.
Jesu’n Luke 16:19-31 a Mihausapa leh Lazar tangthu a genna pat in I mu thei hi. Mihausapa khu gawtmun ah a lut a, gawtmun ak hun a hausatnate khat zong a pawlut theisih hi. Ahin, sil ni a kenglut/pawlut a, tuate khu a ngaituona (memory) leh a bawlkhielte kisiana lungtang ahi. Amapa khu kisia in gawtmun ah Missionary na a sep sawm a, ahin, ama ding in a kikhelta hi. Tuanah sang in tui tah khat na ngawn zong a muzou nawn sih hi.
Tualeh a net pha ding uh zong khu zang-eh (than) ahia, a puonsil ding uh zong khu than ahi ding hi (Isai 14:11). Tualeh, mi tamtah umkhawm ding hinanlezong, thawmhauna leh zauthawng in a pum dim ding ua, khat-le khatte kimuda leh kihuotna ngen in zong a dim ding uhi.
Tualeh, gawtmun mei in a tahsa zousie uh a akat sieng sah ding a, ahin, a lei (tongue) uh leh a lungtang uh ahileh leitung a damsung ua Pasian thu a zuilounate uleh a bawlkhielte uh a kisiana ding uh akangsih diing a, kikou in a kisia diing uhi.
VI. Gawtmun khu a beithei ngailou mun ahi.
Gawtmun beitheilou ding thu khu Kihilna Bu ah sawm-le-thum vei a tuong hi. Gawtmun beithei ngailou ding thu tam bang in gentena a kigen hi. Suong lientah khat kum za dan in leitung a vasa neupen khat in a muh in vatat henla, a hun sau seng in suongpi inn chie khu a tat bei cheing in zong gawtmun khu a kipan pan ahi ding a kichi hi. Tuabang deu in Tuisuogiet khu kum 1000 dan in Ball pen hu in khatvei kithalta leh a kumsawt seng in a tuiteng a kang kilkel nua in zong Gawtmun pen a kipan pan ding ah kichi hi. Tamte khu sil hi thei ahi sih a, tua bang in Gawtmun zong khu a peitheilou ding china ahi.
Tualeh Gawtmun a meikuong khu Pasian lungthahna ahi ding hi. Deut. 32:22 ah –‘Ka lungthahna meikuong hing bang van in, Vannuoi a sil um zousie khu kangtum siengta va. Khum khun mishikhuo haltum peh van, muol-le-tang bulte zong ka tumta va. Sodom leh Gommorate tung a Pasian thangpaina bangin a um ding hi’ chi thu I mu uhi.
VII. Ahileh gawtmun koite umna ding?
Awle unau gawtmun huoisiet dante I gen zouta ua, tu’n koite umna ding e? chi khu I ngaituo ding ahi. A tomkim in genlei –mi piengthaloute umna ding mun diing ahi Jesu’n mi koizong tui leh Hagau a apienthah sih leh tam mun khu nang tan ding ahi achi hi. Nang-le-nang kigintat jieh leh hoi kisah jieh a, tammun pumpel maw thei na hisih hi. A lampi umsun khu Jesu’n ‘Kei lampi leh thutah leh hinna ka hi’ achi bang in Jesu bou ahi. Jesu zuonlou in tammun toh koima a kipel theisih ding hi.
Tunia Gawtmun a um tamtahte zong tam leitung a damlai ua nang bang a ngaidan mothuai pipi neite ahi uhi. Ahilouleh, nang sang a gilou zaw zong ahi tuomsih ding uhi. Unau kingaituo in! Na pientha sih leh tam mun nang tan ding ahi. Etsahna khat gen vai-Pasal khat gamlah a, a vah leh Sahang (Lion) gilkiel mama khat toh a kituoh kha ua, sahang in neh sawm in a del hi. Ama zong zau in a tai a, luisung khat a khaugui khat ah a kiluai a, a sahang in a gei ah a ngah hi. Tuachiin, a kiluaina khaugui nuoi a tui lah ah Ole (crocodile) in a kieh chieng a ne ding in a kam a kah hi. Tualeh a tung a khaugui a Sampi (Python) khat in a na ngah zel a, lengkhe leh lah Sahang in ne zel idng in a um a, a kiluaina khau khu Zusa(Rat) khat in awl-awl in ana kei tan sawm a, ama khut lah khamta mama hi.
Unau tampa i dinmun khu nang dinmun ahilam na thie ei? Tampa a dia suotatna ding a umlou bang in nang zong Jesu na gintat sih leh na suota sih ding hi. Tua jiehin Unau it aw, tu khu nang a ding in na hun neisun ahi maithei hi. Pasian thugen ngai in ‘Hun kipah um ah ka hing na ngaikhie a, Hundamna ni ah ka hing na panpi hi. Ngai un, tu khu hun kipah um ahia, ngai in tu khu hundamna ni ahi” a chi hi (II Kor. 6:2). Mangpa’n simtu zousie lungsim kikhelna hing peta hen. Amen.
=====================
THE DA VINCI CODE SUICHIENNA
Wednesday, 21 January 2009 04:58 Rev. Hangpi Manlun
E-mail Print PDF
Tulai a leitung buppi in a buaipi leh nasatah a kidou dal khu The Da Vinci Code thu ahi. Ajieh ahileh tam thu khu Khristiante Pasien gensietna leh tanchinpha nangawn dalthei ding khop ahijieh in eiten zong i sui chien ua, i thei chien uh kul-in-apawimaw hi.
1) Background:
Harvard University a Professor of Religious Symbology Dr. Robert Langdon in Paris khuopi a Louvre Museum lamkaipa Jacques Sauniere (Sa shina) shina tungtang a suina lam ah Jesu tanchin lamdang tah, hunsot tah sahkhuo sil jieh a na kigen khielou thu a mukhieh thu a gen hi. Jacques Sauniere luong khu Louvre tung ah guahtang (sa guah) mu ahi. A tahsa ah ama sisan ngei in thuguh lamdang tah tah (Cryptic message) a kigel hi. Ama lah milim gel siem leh minthang Leonardo Da Vinci milim gel khat ‘Vitruvian Man’ bangin alim agel hi.
Tuachiin, Sauniere that tu mukhie ding in a tahsa a thuguh kigelte khu thei chien a kul hi chiin ang sui chien ta hi. Tua thuguh kigelte thei chien som a ang sui chientah in, Jesu khun zi in Mari Magdalini a nei ngei hi chiin Sauniere a mukhieh thu a gen hi. Tamthu guh khu leitung buppi thei a puan khieh mai ding chi a jau jieh in a that uh hi. Asil mukhieh khu Da Vinci suloupi ding a milim gel siem leh minthang The Last Supper (Jesu leh anuajui 12 ten Mangpa vumkhawl An aiim lai lim) toh kizopna aneisah ta zel hi. Tam lim a gelna ah khun Leonardo Da Vinci khun siem tah mai in Mari Magdalin khu Jesu nuajui 12 lah a tah lam a tou in agel hi.
Tuachiin, tualthana huaisie tah suikhieh somtu Robert Langdong (Tom Hanks) leh thuguh suisiem (Cryptologist) Sophie Neveu (Audrey Tautou) te kitheituahna khun ma ahing son tah tah hi. Sauniere khu Jesu leh Mari kitenna theipitu, ahin miten a theilou na dinga pawl bang a kipunkhawm Preory of Sion um ahi uh chi a thei khie hi. tuabang ma in Langdon, seppitu Na Sophie Neveu zong khu Jesu hah-le-suan ahi thu agen uhi.
Tualeh tam thuguh a suichien na lamah hamsatna dangin ang tuom tou zel hi. Ajieh ahileh Vatican panpina a kiphut Catholic pawl khat ten leitung mite thei a puan khieh ahilou na dingin Preory thuguh (Jesu leh Mari kitenna) thuguh) khu ana sui uh chiin a gen hi. Tuabang a theitop a silni (thuguh) tualthana leh Jesu thu abuaipi laiin Robert Lengdon (a tangvalpa) khu Captian Bezu Fache (Reno) lamkaina FBI te khun Souniere thatu ah alegen ta uhi....chite in agen tou peh uhi.
Tualeh amasang in zong Jesu zinei a, hah-le-suan nei a, ahah a suante zong tuni tanin a um uh chi thudihlou gingta pawl Priory of Sion a phut ua, tuate lah ah leitung a mi minthang tam tah a pang ua, etsahna ding in Isaac Newton, Leonardo Da Vinci te ahi uhi. Tualeh French mi, Judate haw zing mai leh mi a sol hat jieh a suangkul a zong na lut ngai Pierra Plantard (1920-2000) in, document a bawl tom a, Les Dossiers Secrets di Herre Lobineau (The Secret records of Herri Lobineau) khu a kingahna uh ahi. Ahin tam document khu Plantard in kum 1993 a ana bawltom mai mai ahi chi zong French Court ah apuang khinta uhi.
2. Koi e le Dan Brown khu? US a Jewste laigel siem thriller writer ahi:
Tualeh Novelist minthang tah zong ahi. Best Seller laibu tam tah zong agel ta hi. Tualeh ama-le-ama a kigen dan in ama khu Painter, Architech, Philosopher, Poet, Composer, Sculptor, Athlete, Mathematician, Inventor and Anatomist te in a kigen va ia hi.
Ama khu English leh Creative writing a zilsahna uh Amherst College and Phillips Exeter Academy apat a graduate ahi. Baptist University, East Texas apat in Religious Degree a la kia hi. Azi zong khu Art Historian, Painter, Front-in-line Editor chite in a kihan hi. Tam tangthu bu zong khu azi Blythe min a agel ahi a, peh 605 hiin bung 105 aum hi. Tualeh i gensa bangun ama khu tangthu phuah siem leh gelsiem minthang tah ahi. Tuaban ah angaituanate ahoi a, a simtu zousie lungsim ding zong lah mangdan a siem hi. Alaibu gelte khatvei min a phen a asim leh sim suohlou in a koingai sih uh a kichi hi. Alaibu gel dangte: Digital Fortress, Angels and demons, Deception Points, 187 Men to Avoid; A survival guide for the Romantically, Frustrated Women chite zong best Seller ngen ahi uhi. Agel nu khia pen khu tu a ibuaipi uh The Da Vinci Code ahi. Tualeh ama tanchin theichieng utte ading in www.danbrowm.com a et thei zing ahi.
3. Ahi leh Da Vinci Code khu bang e ?
I gensa bangun Jesu leh Mari Magdalin te kiten thu leh ahah-le-suante uh peitou zel in French leng inkuonte toh kiteng in tuni chieng tan in ahah-le-suonte uh umthu “Theory” khat “Bloodline theory” tanchin tumasang in zong TV channel ah mu thei in ang kisua hi. Ahin sil gintat huai loutah ahi a, ahin sil gintat thu a kigen, “William Shakespeare khu kawl/vai (India) ana hi khien khien ve le, amin dihtah zong Sheshap Iyer ahi” chi leh “Jesu khu Kross a ashi ding (maban) pumpel in, Siberia kan tan in a taimang a, gam ning lam khaw neu tah khat Shingo-ah ateng den a, tuni chieng in ahah-le-suonte leh asulnua zong mu ding aum” chi toh zuau thu leh bu-le-bal neilou ahithu i thei uhi.
Tambang a thu dihlou leh bul bal nei lou theory tungton in ‘Ten men in one’ chi khop a agen uh Leonardo Da Vinci khun lim gel minthang tah mai ni a nei a, tuate khu “The Last Supper” leh “Mona Lesa’ te ahi uhi. Tualeh tam na ‘The Last Supper’ (Mangpa vumkhawl an) aim lai uah lim a, Jesu ziet lang a tou, Johan lim kichi khu aman pasal lim hilou in numei lim ahi zaw achi hi. Tua numei khu koima dang hilou in Mari Magdalin ahi achi hi. Tuami apat in sil tam tah ang belap tou zel zel hi.
Aman agenna ah Jesu in Peter Kung hilou in Mari Magdalin kungah Matthai 16:18, 9. Hattuom phu a sawm thu a gen a, tua khu Peter in aza da ma ma a, Mari zong amuda law hi achi hi. Aman Jesu khu numei toisangtu (feminist) ahi a, Mari Magdalin toh zong nu-le-pa hina ah zong thanghuai tahin aum uhi achi hi. Tualeh Jesu Kross a kikhai lup lai tahin zong Mari khu agai a, anaupai kilepna ding in Jesu sanggam pa, Aruimathai khua a mi Joseph panpi na in Holy Land khu taisan in Franch gam ah apemta hi. Tuachiin, France gamah khun nau nei in amin ding in Sarah ahi sah hi. Tuachiin, khum ahah-le-suonte uh hing peitou zel in, a tangthu gelna a pangtu khat Sophei Neveu zong Jesu leh Mari Magdalin suante apat hiin agen moh hi.
Tambang a thu dihlou leh bulbal neilou theory tungtonin Dan Brown in ang phuah tom khu khu ‘The Da Vinci Code” ichi uh ahi. Tam laibu khu kum 2003 April ha in England a Bantam Press ah asua khie ua, kum 2004 in aman tom zaw in Gorgi Edition sua khieh ahi kia hi. Ang sua khie apat in mite ngaisah leh soisel alaw pai a, ahin New York Times gen dan in tam laibu khu Best Seller ahi pai hi. Kum ni a chin masang in leitung pumpi gam 150 sunga laibu kizuah tampen ahiban ah, million 30 a kizuahta hi.
4. The Da Vinci Code Film bawl thu:
A laibu a miten asim thei uh huntoh sa lou in Hollywood a Director minthang tah mai Ron Howard lamkaina in film ang bawl ua, a tangval (hero) ding in Tom Hanks apang hi. Tam film khu Minutes 149 asau ahi a, tam khu May 19,2006 in Columbia Pictures ten ang hakhieta uhi. Tuachiin, ei India gamah zong doudalna tam tah kalah May 26 in sua in ang umta hi. Gam chin a nualna leh deilouna kom kal ah kal khat sung in sumtang in $ 224 million amungal ua, leitung a film lah a sum mu tamna pawl ahi.
5. A tangvalpa Tom Hanks hinkhuo:
Ama khu actor lawching leh sum tam mu pawl ahi. September 7,1956 in Comcord, California ah a pieng hi. Azi khu Rita Wilson (actress) toh kiteng in tapa thum leh tanu khat a nei uhi. Aman film alah ban ah Producer - Director - screen writer - song writer nate a sem khawm hi. Ama khu multi-talented akichi hi. A siem jieh in Oscar Patoina nivei amu hi. Tualeh Patatna a hatan a, Show Bussiness sung leh pua lam ah zong ‘Compliments’ amu tam hi. “The nicest guy in show bussiness’ chite leh “The New Jimmy Steward” chite in a kihan hi. Tualeh a film lah minthang deuhte - Philadelphia (1993), Forest Gump (1994), That thing you do (1996), You’ve got mails (1998), Saving Private Ryans (1998), Cast away (2000), Band of Brothers (2001), Catch me if you can (2002), The Da Vinci Code (2006) te ahi uhi.
6. The Da Vinci Code laibu leh Film Bible thu toh akituah louna khen khatte:
a) Tam laibu/film sunga thute khu zuau thu phuah tom ahi chi thei masah ding ahi. Ajieh ahileh a laibu komah zong “Fiction” (Tangthu phuah tom ahi) chin agel hi. Tam khu “title page” ah agel hi. Tam tangthu bu art work, architecture documents leh sel-le-sang kagen zousie thudih sieng ahi achi hi.
b) A tangthu ah khun Jesu khu mihing ahina lam bou sui in, tam leitung a mihingte khawsah dan zousie hing zui in asui moh hi. Tualeh tam laibu/film khu Jesu tanchin dihloutah a thezahna ahi ban ah, Jesu Pasian hina nualna leh Sahkhuo thugin gensietna ahi chi i thei siemding uh ahi. Ajieh ahileh Jesu khu Mari Magdalin toh kiteng a suan leh pah nei in agen hi. Tam zong i Bible uh leh i thugin uh toh akikal hi.
c) Dan Brown in tam laibu khu Gospel of Philip pansan in ahing bawl dan in agen hi. Ahin tam Gospel khu zilsahna dihlou ahiban ah Gwostic tegel ahijieh in i Bible lah uah zong apang sih a, Pasian huha khum ahisih chi i thei ding uh ahi.
d) Tualeh i Bible uh adieh in Thuhuntha khu Kum AD zali 4 na lai vel a Roman Emperor Constantine in laibu tuom tuom a dei a atel tuomte lah ah Bible zong apang in agen hi. Tam khu ei Khristiante Bible pom dan toh zong a kikal ma ma hi.
e) Thuhuntha Hattuam khu Mari Magdaline puihuaina nuai a hing kiphut bang in agen hi. Aman Matthai 16:18 a Jesu Peter kung a hattuom phu ding leh thuneina apieh thu khu Peter kung hilou in Mari Magdalin kung ah ahi achi hi.
Tuabanah aman Jesu khu numei toisangtu (feminist) ahi achi hi. Tualeh Mari Magdalin toh zong nupa hina thanghuai tah in amang ua, ta zong anei ua, ata uh khu Sarah ahi chite in a gen hi. Tam thute khu i Khristian thugin leh i Bible uh toh a kikal ma ma hi.
f) Tualeh tam laibu/film khu minthan utna jieh leh sum-le-pai deina jieh a hing kibawl lel ahi. Tualeh Khristiante Pasian suh minsietna ding leh khantanhoi dalna ding a Setan vanzah poimaw tah ahijieh in, i dou un, adihlou dan khu hangsan tah in i tangkoupi ngam ding uhi.
g) Leitung pumpi in a doudal dan: Tam film khu release ahimasang apat in doudalna a kipan hi. Tuachiin leitung mun tuomtuom adiehin Samoa, SolomonIslands, Sri Lanka, India leh mun tuomtuom ah kham in a um hi. Ei khristian gamte mai banah Mosolman gam Pakistan, Fiji, Papua, New Guinea, Kenya te ah zong nahpitahin a kikham hi.
Tualeh India gam a State tuomtuomte Punjab, Nagaland, Goa, Tamilnadu te ah zong kikham hi. Tunaiin All Manipur Christian Organisation (AMCO) ten zong Dt. 25/6/06 niin Manipur Baptist Convention (MBC) huang ah CD leh tam laibute demna anei ban uah, ahaltum ua, tamkhu setan vanzah ahijieh in zong alawching hi chiin nahpitah a dem uhi. Tuachin, amauhten Chief Minister kungah Memorandum pie in, alaibu leh film kham ding in ngetna asiem ngal uhi.
Tuabangma in Mizoram Film Producer Guild te in zong tam laibu leh film (CD) khu adeilou dan uh etsahna in Dt. 8 June 06 laibu geltupa Dan Brown lim leh The Da Vince Code laibu leh film khu ahal uhi. Tuajiehin tam laibu leh film khu eiten zong dou a, i sim/ i et khah leh zong adihlounate theia asim leh et ding ahi.
hangpi_manlun.jpgAwle simtu zousie tam I thupi uh hoitah a theichien ding in Pasian Hagau in hing-umpita hen. Gawtmun thu khu I Laisiengthou in a ha gen mama a, tuleh Pasian thu I awi (Kristian) ihina jieh uh zong khu I shi zou chieng a Gawtmun meidil a I lutlou ding uh I utna jieh uh chilei I chi khielsih ding hi. I Laisiengthou in gawtmun um tahtah dan a gen a, a dieh in Thuhun Tha ah 162 vei a tuong a, tamte lah a 70 sang a tamzawte khu Khantanhoite (Gospel) sung ah a tuong a, atamzaw khu i Mangpa Jesu gen ahi tangpi hi.
I. Gawtmun kigenna ham-kamte I sui masa diing uhi:
a) SHEOL: Seol chi khu Hebrai ham apat a lekheih ahia, a umzie khu ‘Mun MIel’ amaw, ‘Mun guoh’ chinate ahi. Tam khu Mangkam in ‘Hell’ a kichi hi. Tam khu Thuhun Lui ah sawmthum leh khat(31) vei a tuong hi.
b) HADES: Tam zong atung a toh kibang sim ahia, a Greek ham in, ‘Mishi khuo’ china ahi.
c) TARTOROS: Tam khu Angel gilou leh helte vaihawmna ngah a tou/umna mun ahi (II Peter 2:4).
d) GEHENNA: Khopi sung nin paina mun, mitlou a kuong zing, migiloute tan ding mei mit ngailou mun china ahi (II Khang. 33:6; Mt. 10:28). Tam mun pen Jesu’n tam bang in a gen hi.
i) Migiloute hagau leh tahsa kigawm a pailutna mun ding ahi (Mt. 10:28; Lk. 12:5) a chi hi.
ii) Vaihawmna leh siemlou tanna mun ahi (Mt. 23:33).
iii) Mei zong mit-ngailouna mun ahi (Mk. 9:44; Kil. 19:20; 20:14-15).
II. Gawtmun hei a um ding a diei:
Laisiengthou in gawtmun hina a gente I gen zouta uhi. Ahileh gawtmun hei a um a diei? Chi khu mite thei ut mama khat ahi. Rozer Scarle, University of Durham a Professor in a gen dan in, a ma uh pawl in gawtmun meidil a um theina ding mun a mukhieh dan uh tam bang in a gen hi.
Leitung (Earth) lailung (core) khu a satna 6000oC vel a sa ahijieh in, nidang a ka gintat meidil umna pen khu leitung lailung ahi ding chi khu a dih theisih ding achihi. Leitung a, a um theina ding mun umsun khu, tuisuogiet tawdop a tuisa pawtna khu, satna 450oC a, a satna mun ahi ding achi hi. Tualeh, Van gam (Heaven) umna ding mun, a gendan in, “Huihkhuo (atmosphere) a Thermosphere kichina mun khat a um a, tua mun hi diing in a gingta” hi. Tamte khu a dih tahtah hi I chi theisih ua, ahin gingloumite’n zong van gam leh gawtmun tungtang a na buoipi uh zong a lungdamhuoi veve hi.
Tualeh, Russia Scientistte’n Siberia gam a, a nasepna ah mun khat Miel kuo (9) a thuh in a lai/tawna uah Isai 5:5 a kigen Meilipi (Hell) a mukhieh thu uh a gen uhi. A satdan 2000oF (Degree Fahrenheit) ahi achi uhi. Tamna a Doctor pa uh Dr. Victor Azza khun a genna ah ‘tam mun a taw khah uh a huoise/gimnei mama a, a awzah uh khu a na e! a na e! chia kap-le-mau thawm kikou zengzung husa ka za uh’ achi hi. Tamna a sil mukhieh lamdangtah a jah uh a gingta ua, Scientists tam tah in a nasepte uh tawpsan in a pientha law ua, Pasian na a seplaw uh a kichi hi. Tamna ka-le-mau thawm huoisietah a zah ukhu Laisiengthou a kigen gawtmun (Hell) hi diing in a gingta uhi. Thuhun Lui leh Thuhun Tha gendante toh I ettuoh leh zong a kibang hi chiin Laisiengthou siemte’n zong apompi uhi. Ajiehpen gawtmun khu leinuoi a um ahi a, Van gam pen tunglam a um ahijiehin chi’n zong a gen uhi. Tualeh, Russiate khu, Pasian a umsih, gawtmun zong a umsih chia doudal gam khat ahi jieh un, tambang a ang umdoh khu Pasian a um tahtah na chi a suhlat utna jieh zong ahi ding hi. (The Glorious Hope’-April 1994).
A bangteng hizongleh, Gawtmun umna mun dihtah theisih nanlei zong Laisiengthou leh misiemte (Scientistte) apat in a um ngei hi chih khu niel guol ahisih hi.
III. Gawtmun sat dingdan:
Ahileh Gawtmun bangchi bang a sa ding adiei? Chi zong mi zousie thei ut mama khat ahi. Tualeh satna degree 100oC vel lah khun tui a sousah vungvung thei hi. I tung ua nisa (sun) satdan khu degree 6,000oC vel hi ding a gintat ahi. Tambang a sa ahi jiehin nisa kim a um zousie a tui mang zelzel hi.
Gawtmun khu satna temperature 445oC a sa ahi ding chi in Mark Austin in Newspaper khat ah a giel hi. Tam sat ding dan khu tui kisuongsou (tuisa tawp) le-thum le akim vela sa ahi ding hi. Tualeh Laisiengthou in gawtmun sat dingdan a gen khu Kihilna 21:8 ah “…Meidawite leh gingta loute… jousie tan ding kaat (brimstone); sulphur huon sou, sat bang a sa ding ahi (Boiling of Sulphur = 716.6K-446 (at normal pressure). Tam khu JORGE MIRA PEREZ University of Santiago Decompostile, Spain gam a Physicists khat in a khuotkheit ahi. Tua banah Perez in a seppi Josevina, Physicists khat ma toh Madrid (Spain) Khopi a Bishop pa khu Laisiengthou tangtel uleh a khuot dan uh a dih nai chin a va dong ua, aman zong a dih hi chin a na pompieh hi.
IV. Gawtmun Bangchi Bang Mun Adiei?
Gawtmun khu kihuotna mun a ahi ding hi. Zudawn leh thanghuoi tampite khu gawtmun zauhuoi dan I genpi chieng un, gawtmun khu a nuom ding hi, ajieh ahilehpen I it-le-ngai teng kimna ding mun ahi jiehin a chi uhi. Jail (thongsung) sung bang diing a nuomlou e? I chi leh migilou chinteng umkhawmna mun ahi jieh in ahi. Tua bangma in, gawtmun pen gitlouna leh suol a pumdim ding ahi jieh leh lungsietna mawngmawng umlou a gawtna mun ding ahi jiehin mun nuomloutah ahi ding hi. Tualeh, gawtmun khu awsia chinteng a kilaw khumna mun leh tanchinpha a gen ding uh zong khu shina tanchinpha ahi jeih in mun nuomlou tawpkhawh ahi diing hi. Meilipi sungkhat or tui kisuongsou sungkhat ah leitung a na itpen toh umkhawm lechin a nuom diei? Tam khu Gawtmun noplou ding dan genna hoihtah khat ahi.
Tualeh, Gawtmun khu shina nasan mu zou nawnlouna ding mun ahi. Tam leitung a, I zau pen uh khu shina leh natna ahi. Ahin, gawtmun ah pen shina nangawn a kimuzou sih ding hi. Tam thu khu Sadhu Sundar Singh laibu gel “Hagau Leitung” (Spiritual World) ah chiengtahin I mu uhi. ‘Angkawm lai khat hagau khu hagau gam a tun masang in, a dangtah mama a, a lei a ha zatzat a, a nah gin thawm khu a ngai mama a, mei satah in a kah bang mai in a bante khu meikuong in a kang vom vetvut hi. A mapa khu lungkhamtah leh mangbangtah in a kipei akipei a, ama-le-ama na ngawn a kikidah a enzong a ki-engam va-ia sih hi. Ka hagau khu hamsie dong in umta hen, tam a na suhdamna dingin shina a umthei nawn sih a, ka hagau lah a shi thei sih a, shi thei hileh leitung a ka shi bang in ka Pistol in ka kikaplum kia ding achi hi. Gawtmun natna khu leitung a natnate le za tamtah a na ding ahi. Tuajieh in, tam mun khu tangtawn a shi thei nonlouna mun ahi hi.
V. Gawtmun khu theigigena mun leh kisiana mun ahi ding hi.
Jesu’n Luke 16:19-31 a Mihausapa leh Lazar tangthu a genna pat in I mu thei hi. Mihausapa khu gawtmun ah a lut a, gawtmun ak hun a hausatnate khat zong a pawlut theisih hi. Ahin, sil ni a kenglut/pawlut a, tuate khu a ngaituona (memory) leh a bawlkhielte kisiana lungtang ahi. Amapa khu kisia in gawtmun ah Missionary na a sep sawm a, ahin, ama ding in a kikhelta hi. Tuanah sang in tui tah khat na ngawn zong a muzou nawn sih hi.
Tualeh a net pha ding uh zong khu zang-eh (than) ahia, a puonsil ding uh zong khu than ahi ding hi (Isai 14:11). Tualeh, mi tamtah umkhawm ding hinanlezong, thawmhauna leh zauthawng in a pum dim ding ua, khat-le khatte kimuda leh kihuotna ngen in zong a dim ding uhi.
Tualeh, gawtmun mei in a tahsa zousie uh a akat sieng sah ding a, ahin, a lei (tongue) uh leh a lungtang uh ahileh leitung a damsung ua Pasian thu a zuilounate uleh a bawlkhielte uh a kisiana ding uh akangsih diing a, kikou in a kisia diing uhi.
VI. Gawtmun khu a beithei ngailou mun ahi.
Gawtmun beitheilou ding thu khu Kihilna Bu ah sawm-le-thum vei a tuong hi. Gawtmun beithei ngailou ding thu tam bang in gentena a kigen hi. Suong lientah khat kum za dan in leitung a vasa neupen khat in a muh in vatat henla, a hun sau seng in suongpi inn chie khu a tat bei cheing in zong gawtmun khu a kipan pan ahi ding a kichi hi. Tuabang deu in Tuisuogiet khu kum 1000 dan in Ball pen hu in khatvei kithalta leh a kumsawt seng in a tuiteng a kang kilkel nua in zong Gawtmun pen a kipan pan ding ah kichi hi. Tamte khu sil hi thei ahi sih a, tua bang in Gawtmun zong khu a peitheilou ding china ahi.
Tualeh Gawtmun a meikuong khu Pasian lungthahna ahi ding hi. Deut. 32:22 ah –‘Ka lungthahna meikuong hing bang van in, Vannuoi a sil um zousie khu kangtum siengta va. Khum khun mishikhuo haltum peh van, muol-le-tang bulte zong ka tumta va. Sodom leh Gommorate tung a Pasian thangpaina bangin a um ding hi’ chi thu I mu uhi.
VII. Ahileh gawtmun koite umna ding?
Awle unau gawtmun huoisiet dante I gen zouta ua, tu’n koite umna ding e? chi khu I ngaituo ding ahi. A tomkim in genlei –mi piengthaloute umna ding mun diing ahi Jesu’n mi koizong tui leh Hagau a apienthah sih leh tam mun khu nang tan ding ahi achi hi. Nang-le-nang kigintat jieh leh hoi kisah jieh a, tammun pumpel maw thei na hisih hi. A lampi umsun khu Jesu’n ‘Kei lampi leh thutah leh hinna ka hi’ achi bang in Jesu bou ahi. Jesu zuonlou in tammun toh koima a kipel theisih ding hi.
Tunia Gawtmun a um tamtahte zong tam leitung a damlai ua nang bang a ngaidan mothuai pipi neite ahi uhi. Ahilouleh, nang sang a gilou zaw zong ahi tuomsih ding uhi. Unau kingaituo in! Na pientha sih leh tam mun nang tan ding ahi. Etsahna khat gen vai-Pasal khat gamlah a, a vah leh Sahang (Lion) gilkiel mama khat toh a kituoh kha ua, sahang in neh sawm in a del hi. Ama zong zau in a tai a, luisung khat a khaugui khat ah a kiluai a, a sahang in a gei ah a ngah hi. Tuachiin, a kiluaina khaugui nuoi a tui lah ah Ole (crocodile) in a kieh chieng a ne ding in a kam a kah hi. Tualeh a tung a khaugui a Sampi (Python) khat in a na ngah zel a, lengkhe leh lah Sahang in ne zel idng in a um a, a kiluaina khau khu Zusa(Rat) khat in awl-awl in ana kei tan sawm a, ama khut lah khamta mama hi.
Unau tampa i dinmun khu nang dinmun ahilam na thie ei? Tampa a dia suotatna ding a umlou bang in nang zong Jesu na gintat sih leh na suota sih ding hi. Tua jiehin Unau it aw, tu khu nang a ding in na hun neisun ahi maithei hi. Pasian thugen ngai in ‘Hun kipah um ah ka hing na ngaikhie a, Hundamna ni ah ka hing na panpi hi. Ngai un, tu khu hun kipah um ahia, ngai in tu khu hundamna ni ahi” a chi hi (II Kor. 6:2). Mangpa’n simtu zousie lungsim kikhelna hing peta hen. Amen.
=====================
THE DA VINCI CODE SUICHIENNA
Wednesday, 21 January 2009 04:58 Rev. Hangpi Manlun
E-mail Print PDF
Tulai a leitung buppi in a buaipi leh nasatah a kidou dal khu The Da Vinci Code thu ahi. Ajieh ahileh tam thu khu Khristiante Pasien gensietna leh tanchinpha nangawn dalthei ding khop ahijieh in eiten zong i sui chien ua, i thei chien uh kul-in-apawimaw hi.
1) Background:
Harvard University a Professor of Religious Symbology Dr. Robert Langdon in Paris khuopi a Louvre Museum lamkaipa Jacques Sauniere (Sa shina) shina tungtang a suina lam ah Jesu tanchin lamdang tah, hunsot tah sahkhuo sil jieh a na kigen khielou thu a mukhieh thu a gen hi. Jacques Sauniere luong khu Louvre tung ah guahtang (sa guah) mu ahi. A tahsa ah ama sisan ngei in thuguh lamdang tah tah (Cryptic message) a kigel hi. Ama lah milim gel siem leh minthang Leonardo Da Vinci milim gel khat ‘Vitruvian Man’ bangin alim agel hi.
Tuachiin, Sauniere that tu mukhie ding in a tahsa a thuguh kigelte khu thei chien a kul hi chiin ang sui chien ta hi. Tua thuguh kigelte thei chien som a ang sui chientah in, Jesu khun zi in Mari Magdalini a nei ngei hi chiin Sauniere a mukhieh thu a gen hi. Tamthu guh khu leitung buppi thei a puan khieh mai ding chi a jau jieh in a that uh hi. Asil mukhieh khu Da Vinci suloupi ding a milim gel siem leh minthang The Last Supper (Jesu leh anuajui 12 ten Mangpa vumkhawl An aiim lai lim) toh kizopna aneisah ta zel hi. Tam lim a gelna ah khun Leonardo Da Vinci khun siem tah mai in Mari Magdalin khu Jesu nuajui 12 lah a tah lam a tou in agel hi.
Tuachiin, tualthana huaisie tah suikhieh somtu Robert Langdong (Tom Hanks) leh thuguh suisiem (Cryptologist) Sophie Neveu (Audrey Tautou) te kitheituahna khun ma ahing son tah tah hi. Sauniere khu Jesu leh Mari kitenna theipitu, ahin miten a theilou na dinga pawl bang a kipunkhawm Preory of Sion um ahi uh chi a thei khie hi. tuabang ma in Langdon, seppitu Na Sophie Neveu zong khu Jesu hah-le-suan ahi thu agen uhi.
Tualeh tam thuguh a suichien na lamah hamsatna dangin ang tuom tou zel hi. Ajieh ahileh Vatican panpina a kiphut Catholic pawl khat ten leitung mite thei a puan khieh ahilou na dingin Preory thuguh (Jesu leh Mari kitenna) thuguh) khu ana sui uh chiin a gen hi. Tuabang a theitop a silni (thuguh) tualthana leh Jesu thu abuaipi laiin Robert Lengdon (a tangvalpa) khu Captian Bezu Fache (Reno) lamkaina FBI te khun Souniere thatu ah alegen ta uhi....chite in agen tou peh uhi.
Tualeh amasang in zong Jesu zinei a, hah-le-suan nei a, ahah a suante zong tuni tanin a um uh chi thudihlou gingta pawl Priory of Sion a phut ua, tuate lah ah leitung a mi minthang tam tah a pang ua, etsahna ding in Isaac Newton, Leonardo Da Vinci te ahi uhi. Tualeh French mi, Judate haw zing mai leh mi a sol hat jieh a suangkul a zong na lut ngai Pierra Plantard (1920-2000) in, document a bawl tom a, Les Dossiers Secrets di Herre Lobineau (The Secret records of Herri Lobineau) khu a kingahna uh ahi. Ahin tam document khu Plantard in kum 1993 a ana bawltom mai mai ahi chi zong French Court ah apuang khinta uhi.
2. Koi e le Dan Brown khu? US a Jewste laigel siem thriller writer ahi:
Tualeh Novelist minthang tah zong ahi. Best Seller laibu tam tah zong agel ta hi. Tualeh ama-le-ama a kigen dan in ama khu Painter, Architech, Philosopher, Poet, Composer, Sculptor, Athlete, Mathematician, Inventor and Anatomist te in a kigen va ia hi.
Ama khu English leh Creative writing a zilsahna uh Amherst College and Phillips Exeter Academy apat a graduate ahi. Baptist University, East Texas apat in Religious Degree a la kia hi. Azi zong khu Art Historian, Painter, Front-in-line Editor chite in a kihan hi. Tam tangthu bu zong khu azi Blythe min a agel ahi a, peh 605 hiin bung 105 aum hi. Tualeh i gensa bangun ama khu tangthu phuah siem leh gelsiem minthang tah ahi. Tuaban ah angaituanate ahoi a, a simtu zousie lungsim ding zong lah mangdan a siem hi. Alaibu gelte khatvei min a phen a asim leh sim suohlou in a koingai sih uh a kichi hi. Alaibu gel dangte: Digital Fortress, Angels and demons, Deception Points, 187 Men to Avoid; A survival guide for the Romantically, Frustrated Women chite zong best Seller ngen ahi uhi. Agel nu khia pen khu tu a ibuaipi uh The Da Vinci Code ahi. Tualeh ama tanchin theichieng utte ading in www.danbrowm.com a et thei zing ahi.
3. Ahi leh Da Vinci Code khu bang e ?
I gensa bangun Jesu leh Mari Magdalin te kiten thu leh ahah-le-suante uh peitou zel in French leng inkuonte toh kiteng in tuni chieng tan in ahah-le-suonte uh umthu “Theory” khat “Bloodline theory” tanchin tumasang in zong TV channel ah mu thei in ang kisua hi. Ahin sil gintat huai loutah ahi a, ahin sil gintat thu a kigen, “William Shakespeare khu kawl/vai (India) ana hi khien khien ve le, amin dihtah zong Sheshap Iyer ahi” chi leh “Jesu khu Kross a ashi ding (maban) pumpel in, Siberia kan tan in a taimang a, gam ning lam khaw neu tah khat Shingo-ah ateng den a, tuni chieng in ahah-le-suonte leh asulnua zong mu ding aum” chi toh zuau thu leh bu-le-bal neilou ahithu i thei uhi.
Tambang a thu dihlou leh bul bal nei lou theory tungton in ‘Ten men in one’ chi khop a agen uh Leonardo Da Vinci khun lim gel minthang tah mai ni a nei a, tuate khu “The Last Supper” leh “Mona Lesa’ te ahi uhi. Tualeh tam na ‘The Last Supper’ (Mangpa vumkhawl an) aim lai uah lim a, Jesu ziet lang a tou, Johan lim kichi khu aman pasal lim hilou in numei lim ahi zaw achi hi. Tua numei khu koima dang hilou in Mari Magdalin ahi achi hi. Tuami apat in sil tam tah ang belap tou zel zel hi.
Aman agenna ah Jesu in Peter Kung hilou in Mari Magdalin kungah Matthai 16:18, 9. Hattuom phu a sawm thu a gen a, tua khu Peter in aza da ma ma a, Mari zong amuda law hi achi hi. Aman Jesu khu numei toisangtu (feminist) ahi a, Mari Magdalin toh zong nu-le-pa hina ah zong thanghuai tahin aum uhi achi hi. Tualeh Jesu Kross a kikhai lup lai tahin zong Mari khu agai a, anaupai kilepna ding in Jesu sanggam pa, Aruimathai khua a mi Joseph panpi na in Holy Land khu taisan in Franch gam ah apemta hi. Tuachiin, France gamah khun nau nei in amin ding in Sarah ahi sah hi. Tuachiin, khum ahah-le-suonte uh hing peitou zel in, a tangthu gelna a pangtu khat Sophei Neveu zong Jesu leh Mari Magdalin suante apat hiin agen moh hi.
Tambang a thu dihlou leh bulbal neilou theory tungtonin Dan Brown in ang phuah tom khu khu ‘The Da Vinci Code” ichi uh ahi. Tam laibu khu kum 2003 April ha in England a Bantam Press ah asua khie ua, kum 2004 in aman tom zaw in Gorgi Edition sua khieh ahi kia hi. Ang sua khie apat in mite ngaisah leh soisel alaw pai a, ahin New York Times gen dan in tam laibu khu Best Seller ahi pai hi. Kum ni a chin masang in leitung pumpi gam 150 sunga laibu kizuah tampen ahiban ah, million 30 a kizuahta hi.
4. The Da Vinci Code Film bawl thu:
A laibu a miten asim thei uh huntoh sa lou in Hollywood a Director minthang tah mai Ron Howard lamkaina in film ang bawl ua, a tangval (hero) ding in Tom Hanks apang hi. Tam film khu Minutes 149 asau ahi a, tam khu May 19,2006 in Columbia Pictures ten ang hakhieta uhi. Tuachiin, ei India gamah zong doudalna tam tah kalah May 26 in sua in ang umta hi. Gam chin a nualna leh deilouna kom kal ah kal khat sung in sumtang in $ 224 million amungal ua, leitung a film lah a sum mu tamna pawl ahi.
5. A tangvalpa Tom Hanks hinkhuo:
Ama khu actor lawching leh sum tam mu pawl ahi. September 7,1956 in Comcord, California ah a pieng hi. Azi khu Rita Wilson (actress) toh kiteng in tapa thum leh tanu khat a nei uhi. Aman film alah ban ah Producer - Director - screen writer - song writer nate a sem khawm hi. Ama khu multi-talented akichi hi. A siem jieh in Oscar Patoina nivei amu hi. Tualeh Patatna a hatan a, Show Bussiness sung leh pua lam ah zong ‘Compliments’ amu tam hi. “The nicest guy in show bussiness’ chite leh “The New Jimmy Steward” chite in a kihan hi. Tualeh a film lah minthang deuhte - Philadelphia (1993), Forest Gump (1994), That thing you do (1996), You’ve got mails (1998), Saving Private Ryans (1998), Cast away (2000), Band of Brothers (2001), Catch me if you can (2002), The Da Vinci Code (2006) te ahi uhi.
6. The Da Vinci Code laibu leh Film Bible thu toh akituah louna khen khatte:
a) Tam laibu/film sunga thute khu zuau thu phuah tom ahi chi thei masah ding ahi. Ajieh ahileh a laibu komah zong “Fiction” (Tangthu phuah tom ahi) chin agel hi. Tam khu “title page” ah agel hi. Tam tangthu bu art work, architecture documents leh sel-le-sang kagen zousie thudih sieng ahi achi hi.
b) A tangthu ah khun Jesu khu mihing ahina lam bou sui in, tam leitung a mihingte khawsah dan zousie hing zui in asui moh hi. Tualeh tam laibu/film khu Jesu tanchin dihloutah a thezahna ahi ban ah, Jesu Pasian hina nualna leh Sahkhuo thugin gensietna ahi chi i thei siemding uh ahi. Ajieh ahileh Jesu khu Mari Magdalin toh kiteng a suan leh pah nei in agen hi. Tam zong i Bible uh leh i thugin uh toh akikal hi.
c) Dan Brown in tam laibu khu Gospel of Philip pansan in ahing bawl dan in agen hi. Ahin tam Gospel khu zilsahna dihlou ahiban ah Gwostic tegel ahijieh in i Bible lah uah zong apang sih a, Pasian huha khum ahisih chi i thei ding uh ahi.
d) Tualeh i Bible uh adieh in Thuhuntha khu Kum AD zali 4 na lai vel a Roman Emperor Constantine in laibu tuom tuom a dei a atel tuomte lah ah Bible zong apang in agen hi. Tam khu ei Khristiante Bible pom dan toh zong a kikal ma ma hi.
e) Thuhuntha Hattuam khu Mari Magdaline puihuaina nuai a hing kiphut bang in agen hi. Aman Matthai 16:18 a Jesu Peter kung a hattuom phu ding leh thuneina apieh thu khu Peter kung hilou in Mari Magdalin kung ah ahi achi hi.
Tuabanah aman Jesu khu numei toisangtu (feminist) ahi achi hi. Tualeh Mari Magdalin toh zong nupa hina thanghuai tah in amang ua, ta zong anei ua, ata uh khu Sarah ahi chite in a gen hi. Tam thute khu i Khristian thugin leh i Bible uh toh a kikal ma ma hi.
f) Tualeh tam laibu/film khu minthan utna jieh leh sum-le-pai deina jieh a hing kibawl lel ahi. Tualeh Khristiante Pasian suh minsietna ding leh khantanhoi dalna ding a Setan vanzah poimaw tah ahijieh in, i dou un, adihlou dan khu hangsan tah in i tangkoupi ngam ding uhi.
g) Leitung pumpi in a doudal dan: Tam film khu release ahimasang apat in doudalna a kipan hi. Tuachiin leitung mun tuomtuom adiehin Samoa, SolomonIslands, Sri Lanka, India leh mun tuomtuom ah kham in a um hi. Ei khristian gamte mai banah Mosolman gam Pakistan, Fiji, Papua, New Guinea, Kenya te ah zong nahpitahin a kikham hi.
Tualeh India gam a State tuomtuomte Punjab, Nagaland, Goa, Tamilnadu te ah zong kikham hi. Tunaiin All Manipur Christian Organisation (AMCO) ten zong Dt. 25/6/06 niin Manipur Baptist Convention (MBC) huang ah CD leh tam laibute demna anei ban uah, ahaltum ua, tamkhu setan vanzah ahijieh in zong alawching hi chiin nahpitah a dem uhi. Tuachin, amauhten Chief Minister kungah Memorandum pie in, alaibu leh film kham ding in ngetna asiem ngal uhi.
Tuabangma in Mizoram Film Producer Guild te in zong tam laibu leh film (CD) khu adeilou dan uh etsahna in Dt. 8 June 06 laibu geltupa Dan Brown lim leh The Da Vince Code laibu leh film khu ahal uhi. Tuajiehin tam laibu leh film khu eiten zong dou a, i sim/ i et khah leh zong adihlounate theia asim leh et ding ahi.
No comments:
Post a Comment